Biden: Do të kandidoj sërish për president në 2024
Presidenti i Shteteve të Bashkuara, Joe Biden, përsëriti synimin e tij për të kandiduar për një mandat të dytë në Shtëpinë e Bardhë në vitin 2024, nëse do të jetë mirë nga gjendja shëndetësore.
Presidenti i bëri të qarta synimet e tij gjatë një bisede me reverendin Al Sharpton, një aktivist i njohur afro-amerikan me orientim progresiv, gjatë një aktiviteti në Shtëpinë e Bardhë.
Gjendja shëndetësore e presidentit është vazhdimisht objekt debati në SHBA, për shkak të disa ngjarjeve konfuze që e kanë bërë atë protagonist muajt e fundit. Megjithëse sipas një sondazhi gjatë verës demokratët do të preferonin një tjetër kandidat në vitin 2024, me shumë që përmendin moshën dhe performancën e punës së Bidenit.
“Është Biden ai që mund të thotë se unë tashmë e kam vrarë dragoin dhe do ta vras përsëri”, tha historiani Douglas Brinkley për Business Insider muajin e kaluar, duke i bërë jehonë komenteve që kanë bërë disa demokratë në Kongres.
Ai i ashtuquajturi dragua do të ishte Donald Trump, i cili vazhdimisht ka thënë se do të kandidojë sërish në 2024 pasi humbi presidencën nga Biden në 2020.
