Borxhi i Komunës së Ohrit është rreth 22 milion euro

Borxhi i përgjithshëm i komunës së Ohrit së bashku me ndërmarrjet publike është rreth 22 milionë euro, njoftoi kryetari i ri i Ohrit, Kirill Pecakov.

Sipas tij, ajo që paraprakisht ishte plasuar në publik se në çfarë gjendjeje financiare është komuna nuk përputhej me gjendjen reale.

Vetëm nga korriku deri në nëntor borxhi total është rritur për 8 milionë euro.

“Në periudhën parazgjedhore, përkatësisht para fillimit të fushatës zgjedhore dhe gjatë saj, borxhi i komunës së Ohrit u rrit në një shumë prej pak më shumë se 8 milionë euro. E gjithë kjo është në radhë të parë rezultat i punës joekonomike, mbingarkesës së buxhetit, ndarjes së shumave të mëdha për punësim të përkohshëm, transferimeve për OJQ-të dhe mediat. Rreth 2.5 milionë euro, vetëm në vitin parazgjedhor 2021 janë kontrata të lidhura dhe tenderuar ekskluzivisht për asfaltim. Pjesa tjetër ka të bëjë me fatura që nuk janë shënuar”, deklaroi Kirill Pecakov – Kryetar i Komunës së Ohrit.