Kurti: Policia është mobilizuar me kapacitetet e saj të plota për ta hetuar këtë krim të rëndë

Kryeministri i vendit, Albin Kurti, ka thënë se Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi.

Kurti në emër të Qeverisë u shprehu ngushëllimet familjarëve që humbën më të dashurit e tyre në tragjedinë e Gllogjanit, ku vdiqën tre persona dhe mbeti një i plagosur.

“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit. Sipas Policisë së Kosovës nga ky sulm kanë mbetur të vrarë tre qytetarë të vendit tonë, prej të cilëve dy nxënës. Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm. Të plagosurit i dëshirojmë shërim të shpejtë. Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, ka shkruar Kurti.