Zv/drejtori i Doganave, Mustafa Dauti vizitoi sot Pikën Kufitare Dojran, ku nga afër u njoh me mënyrën e funksionimit të saj, procedurat doganore dhe sfidat me të cilat përballen punonjësit në terren.
Gjatë vizitës, Dauti zhvilloi biseda me punonjësit doganorë dhe vlerësoi përkushtimin e tyre në menaxhimin e përditshëm të qarkullimit të udhëtarëve dhe mallrave.
Pika Kufitare Dojran, e cila lidh Maqedoninë e Veriut me Greqinë, ka rëndësi të veçantë për lëvizjen ndërkufitare dhe shkëmbimet tregtare mes dy vendeve.
Dauti theksoi nevojën për një balancë mes kontrolleve efikase, luftës kundër veprimtarive të paligjshme dhe lehtësimit të qarkullimit të rregullt.
Ai tha se takimet e drejtpërdrejta me stafin në terren janë të rëndësishme për identifikimin e nevojave dhe sfidave, duke paralajmëruar vazhdimin e punës për forcimin e kapaciteteve, përmirësimin e kushteve të punës dhe shërbime më efikase për qytetarët dhe bizneset.
Shqip