Shtetasi i Kosovës R.E. është privuar nga liria pasi kaloi me forcë dhe në mënyrë të paligjshme pikën e kalimit kufitar në Bllacë gjatë një kontrolli doganor të makinës me të cilën po kontrabandonte drogë, duke rrezikuar kështu jetën e doganierit i cili e ndaloi për një kontroll të detajuar. Ndaj tij janë ngritur kallëzime penale për shkak të dyshimit të arsyeshëm se ka kryer veprat penale “prodhim dhe shpërndarje e paautorizuar e drogave narkotike, substancave psikotrope dhe prekursorëve”, si dhe “pengim të personit zyrtar në kryerjen e një veprimi zyrtar”, të dyja të dënueshme sipas Kodit Penal.
Më 15 korrik, në mbrëmje, doganierët në pikën e kalimit kufitar të Bllacës ndaluan për kontroll doganor personin me iniciale R.E. Kontrolli u krye nga dy doganierë, gjatë të cilit personi u thirr për të hapur bagazhin e automjetit për inspektim. Në momentin kur i dyshuari pa se njëri nga doganierët kishte vënë re çantën nën sediljen e pasagjerit dhe zgjati dorën për ta kontrolluar, ai hyri ilegalisht në automjet dhe kaloi me forcë vijën kufitare, duke zvarritur doganierin i cili u përpoq ta ndalonte.
U thirr policia kufitare, e cila, së bashku me doganierin, pas një ndjekjeje dhjetë minutëshe, i bllokoi rrugën dhe personi u privua nga liria. I dyshuari iu dorëzua Departamentit të Hetimeve të Sektorit të Kontrollit dhe Hetimeve të Drejtorisë së Doganave, i cili mori përsipër rastin dhe, pas kryerjes së veprimeve hetimore, ngriti kallëzim penal në Prokurorinë Publike në Shkup.
Gjatë arratisjes, i dyshuari hodhi qesen me drogë që u gjet pranë vendit të ndalimit. Me urdhër të prokurorit publik, droga u dorëzua për ekspertizë, gjatë së cilës u përcaktua se bëhej fjalë për një drogë narkotike marihuanë me peshë një kilogram. Te i dyshuari u gjet edhe një armë e ftohtë.
Doganieri i cili u tërhoq me forcë ndërsa përpiqej të parandalonte të dyshuarin të arratisej, pësoi lëndime të lehta. Dy doganierët që morën pjesë në ndërhyrjen në pikën kufitare të Bllacës janë një shembull i guximit të përditshëm që punonjësit investojnë në shërbim, me qëllim mbrojtjen e shtetit.
Shqip