Lidhur me rikonstruksionin e paralajmëruar të Qeverisë, procesi po zhvillohet përmes bisedimeve me partnerët e koalicionit. Takimet me partitë politike ZNAM dhe VLEN janë planifikuar për sot dhe nesër, njoftojnë nga Qeveria.
“Duke pasur parasysh se bisedimet janë në një fazë të hershme dhe ky është një proces i ndjeshëm që kërkon një qasje serioze dhe të përgjegjshme, nuk do të hyjmë në detaje shtesë në këtë kohë. Sapo të arrihen marrëveshje specifike dhe të përcaktohen zgjidhje, publiku do të informohet menjëherë dhe plotësisht”, njoftojnë nga Qeveria shkruan portali Lideri.mk.
Ajo që aktualisht mbetet qëndrimi i pandryshuar dhe parimi i qartë i Kryeministrit, Prof. Dr. Hristijan Mickoski, ishin mesazhet që ai dërgoi publikisht në festimin e 36-vjetorit të VMRO-DPMNE në Strumicë, shtojnë nga eksekutivi, duke treguar profilin, por jo edhe emrat e funskionarëve që do të përfshihen me rikonsteuimin.
“Kryeministri theksoi në atë kohë se po e monitoronte nga afër situatën në institucione dhe se nuk ishte i kënaqur me sjelljen e disa zyrtarëve që po largoheshin nga parimet mbi të cilat u formua Qeveria.
Ai theksoi se ka marrë komente për mungesën e disponueshmërisë së disa ministrave dhe drejtorëve, si dhe distancimin e tyre nga problemet dhe nevojat e përditshme të qytetarëve”, shtojnë nga Qeveria.
Ndryshe, Mickoski deklaroi qartë se Qeveria u zgjodh për t’i shërbyer popullit, jo për të gëzuar privilegjet e pushtetit, duke shtuar se çdo zyrtar duhet të jetë i arritshëm, i përkushtuar dhe vazhdimisht i pranishëm midis qytetarëve.
Në fjalimin e tij, ai theksoi se nuk do të tolerojë pakujdesi, papërgjegjësi dhe devijim nga parimet mbi të cilat bazohet puna e Qeverisë, pavarësisht funksionit që mban dikush.
Kryeministri tha gjithashtu se nuk pranon justifikime për mospërmbushje të detyrimeve dhe se kushdo që nuk mund t’u përgjigjet sfidave duhet ta rishqyrtojë sinqerisht vendin e tij në ekip.
“Po i shënoj me saktësi të gjitha devijimet dhe do të ketë ndryshime. Këto ndryshime duhet të përmirësojnë kapacitetet dhe të nxjerrin maksimumin nga secili individ. Dua që secili prej jush të mbetet i përkushtuar ndaj popullit, i arritshëm dhe i ndershëm”, ishte mesazhi i Mickoskit, shkruan Lideri.mk.
Kriteri bazë në procesin e rindërtimit mbetet efikasiteti, qasja për qytetarët, përmbushja e qëllimeve të programit dhe përkushtimi i plotë ndaj punës në interes të qytetarëve, zotohen nga Qeveria./Lideri.mk
Shqip