Më datë 14.05.2026 (e enjte), Kryetari i Bashkësisë Fetare Islame të RMV-së, Reis Ulema H. Hfz. Shaqir ef. Fetai, mori pjesë në ceremoninë solemne të përcjelljes së gjeneratës së XIX të Medresesë “Isa Beu” – paralelja e vajzave Tetovë.
Në këtë ceremoni madhështore, Reisi ishte i shoqëruar nga Myftiu i Tetovës Dr. Hfz. Selver Xhemaili drejtori i Medresesë Dr. Islam Islami, kordinatori Dr. Beqir Memeti, drejtor të rijasetit, profesorë dhe profesoresha të medresesë, si dhe mysafirë të shumtë.
Programi u hap me recitim të ajeteve kur’anore, ndërsa më pas u prezantuan ilahi dhe mesazhe falënderimi nga maturantët e kësaj gjenerate. Të pranishmit përjetuan një atmosferë festive dhe emocionale, e cila pasqyroi suksesin, përkushtimin dhe rrugëtimin edukativo-arsimor të maturantëve gjatë viteve të shkollimit në medrese.
Në fjalën e tij përshëndetëse, Reis Ulema H. Hfz. Shaqir ef. Fetai përgëzoi maturantët për arritjen e tyre, duke theksuar rëndësinë e dijes, edukimit dhe rolit të të rinjve të arsimuar në shoqëri. Ai i inkurajoi ata që të vazhdojnë rrugën e suksesit, duke ruajtur vlerat fetare, morale dhe kombëtare.
Në fund të programit u ndanë mirënjohje për maturantët, ndërsa ceremonia u përmbyll me urime për suksese të mëtejshme në jetën akademike dhe profesionale të kësaj gjenerate.
Shqip