MEXHITI: SPORTISTËT, KRENARIA E ÇAIRIT – FILLON EPOKA E RE E INVESTIMEVE MADHORE NË KAPACITETET SPORTIVE!
Shkup, 29.08.2025 Zëvendëskryeministri i parë dhe Ministër i Mjedisit Jetësor dhe Planifikimit Hapësinor si dhe kandidat për kryetar të Komunës së Çairit, z.Izet Mexhiti ka zhvilluar sot një takim shumë produktiv me sportistët dhe punëtorët sportive nga Komuna e Çairit.
Në sallë ku ishin prezent mbi 130 sportisë, Mexhiti gjatë diskutimit për sfidat dhe mundësitë e zhvillimit të mëtejmë të jetës sportive në Komunë dhe përkushtimin institucional ndaj të rinjve, tha se Sporti vazhdon të jetë pasaporta e Çairit në Botë.
‘Çairi ka lindur kampionë olimpikë, botërorë e evropianë. Sporti është pasaporta jonë në botë krenaria jonë kolektive’, theksoi Mexhiti në fjalën e tij para sportistëve, duke shtuar se angazhimi për të përmirësuar kushtet për sport është angazhim për të ardhmen e Çairit.
‘Çairi nuk do të jetë vetëm një qendër universitare, kulturore dhe arsimore, por edhe një qendër moderne sportive, ashtu siç e meriton të jetë, tha Mexhiti dhe prezantoi projektet madhore që do të realizohen në mandatin e tij të ardhshëm:
• Ndërtimi i sallës multifunksionale “Çair” me kapacitet prej 3.000 ulësesh dhe standarde për organizimin e garave ndërkombëtare;
• Rikonstruksionin e sallës sportive “Partizani”, që do të rikthehet në një hapësirë të gjallë për klubet dhe sportistët e rinj;
• Ndërtimin e tre fushave të reja multifunksionale në Tophanën e Vjetër, Sahat Kullë dhe Gazi Babë.
•
“Këto nuk janë vetëm projekte infrastrukturore, por investime direkte në ëndrrat e fëmijëve tanë, në klubet që na kanë përfaqësuar me dinjitet, dhe në krenarinë e çdo qytetari të Çairit,” u shpreh Mexhiti.
Ai përmbylli takimin me mesazhin se sporti nuk është vetëm lojë, por një mënyrë e fuqishme për të treguar botës se kush jemi dhe çfarë përfaqësojmë, duke ritheksuar angazhimin e tij për të qenë gjithmonë në krah të sportit dhe sportistëve të Çairit.
Shqip