Leo Roci është një i riu nga Dibra i cili ka humbur kontaktet me të afërmit. Në lidhje me zhdukjen e tij se daja i Roçit ka denoncuar rastin ndërsa është shprehur se nipi ka humbur kontaktet në kufirin mes Serbisë e Kroacisë.
Më tej bëhet me dije se me të riun ka humbur kontaktet më datën 21 maji rreth orës 02:30 të natës ku i ka thënë se ndodhet në doganë në kufirin Serbi-Kroaci dhe do ikte në Europë, për emigrim. Sipas dajës pas orës së 02:30 telefoni ka qenë i ndezur, i ka rënë zilja dhe sms, por nuk është përgjigjur njeri.
“Unë Astrit Doda i datëlindjes 09.12.1967, daja i Leo Rocit i datëlindjes 26,02,1991 dua të bëj një denoncim për nipin tim. Kam humbur kontaktet me të që më datën 21.5.2024 në orën 2:30 të natës, më ka kotaktuar, më ka thënë se jam në doganë në kufirin Serbi-Kroaci, donte që të ikte në Europë, për emigrim. Nga kjo orë telefoni ka qenë i ndezur, i ka rënë zilja dhe sms, por nuk është përgjigjur njeri. Dje më datën 27,05,2024 në orën 10:20 telefoni është ndezur dhe është përgjigjur një femër e Serbisë.
Dhe ajo po na bënte presion cfarë ka kërkuar ky njeri këtu, mbasi telefonin e ka hapur një zotëri tjetër dhe ajo tha që ajo më herët është bashkëshortja ime dhe më tha se unë punoj në Doganë si agjent doganor dhe i kam gjetur këto dokumente në rrugë.
Por telefoni gjatë ditës ka lëvizur, nuk ka ndenjur në një vend, pasi e kemi kontrolluar me anë të GPS. Dhe tani kam frikë, sepse ka ikur motra ime bashkë me nipin në kufirin Serbi-Kroaci, mos u ndodh dicka edhe këtyre”, shprehet daja i Rocit.
Leo Roci është nisur më datë 19 ditë e diel, është nisur me autobusin e linjës Durrës-Prishtinë. Pasi ka arritur në Prishtinë, nuk ka pasur biletë për të udhëtuar më tej dhe është detyruar që të flejë në një hotel në Prishtinë dhe të nesërmen më datë 20 është nisur me një taksi për në Serbi, me kalim nga Dogana në Merdarë. Pasi ka kaluar doganën me taksi, taksia e ka vendosur në autobus për në Beograd dhe në Beograd e ka marrë taksia tjetër dhe e ka dërguar në pikën kufitare në dalje të Serbisë me hyrje drejt Kroacisë.
