Zaev realizoi takim online me Ramën dhe Vuçiqin
Këtë mëngjes, Kryeministri Zoran Zaev kishte takim online me Kryeministrin e Shqipërisë Edi Rama dhe me Presidentin serb Aleksandar Vuçiq. Tre bashkëbiseduesit biseduan rreth përgatitjeve për Forumin Ekonomik për Bashkëpunimin Rajonal, që pritet të mbahet në Shkup më 29 korrik.
“Këtë mëngjes kam pasur takim produktiv kushtuar përgatitjeve për Forumin Ekonomik për Bashkëpunim Rajonal, të cilin së bashku me Presidentin e Serbisë Aleksandar Vuçiq dhe Kryeministrin e Shqipërisë Edi Rama, po e organizojmë në Shkup më 29 korrik duke u lidhur edhe më shumë për të lehtësuar dhe përmirësuar jetën e të gjithë qytetarëve tanë”, shkruan Zaev në faqen e tij zyrtare në Facebook.
