Zaev i bindur për gjetjen e zgjidhjes që do të jetë e pranueshme edhe nga Bullgaria, pasi zhvilloi takim me Varhejlin dhe Silvan
F1 C Send an email 17:41, 21-05-20210
Pas takimeve në Sofje, ministri i punëve të jashtme të Portugalisë, Augusto Santosh Silva dhe euro komesari për zgjerim, Oliver Varhjel, kanë zhvilluar takim në Shkup me kryeministrin Zoran Zaev, transmeton Portalb.mk.
“Në këtë moment qartë dhe me përgjegjësi mund të themi se propozimi është një bazë e mirë për heqjen e pengesave për hapjen e negociatave me zgjidhje që nuk prek çështjet e identitetit dhe jemi të bindur se është e pranueshme edhe për pozitat e Bullgarisë”, deklaroi Zaev.
Kryeministri Zaev në takim ishte i shoqëruar edhe nga ministri i punëve të jashtme Bujar Osmani dhe zv.kryeministri për çështje evropiane, Nikolla Dimitrov.
Dy përfaqësuesit evropian sot prezantuan zgjidhje për tejkalimin e problemeve ndërmjet Maqedonisë së Veriut dhe Bullgarisë, që do të mundësojë hapjen e bisedimeve ndërmjet RMV-së dhe BE-së përmes konferencës ndërqeveritare.
“Ministri Sillva dhe eurokomisari Varhjel sot sollën një propozim-zgjidhje, qëllimi i të cilit është tejkalimi i problemeve ndërmjet RMV-së dhe Bullgarisë”, deklaroi Zaev, duke falënderuar propozuesit.
Ndryshe, nuk mund të pritet ndryshim në pozicionin nacional të Bullgarisë në raport me Maqedoninë e Veriut. Për ne mbetet kyçe që të mbahet raportet e mira fqinjësore dhe të merren garancat e nevojshme për zbatim të Marrëveshjes për fqinjësi të mirë. Këtë e ka theksuar shefi i diplomacisë së qeverisë së përkohshme teknike në Bullgari, Svetlan Stoev, në deklaratë pas takimit me ministrin e Punëve të Jashtme të Portugalisë, Augusto Santosh Silva dhe eurokomesarin për zgjerim, Oliver Varheji, të cilët sot në mëngjes arritën në Sofje.
Ndërkohë, ish ministrja e Jashtme bullgare, Ekaterina Zaharieva, mbrëmë ka thënë se propozimi që do të sillet sot në Sofje nga ministri i Jashtëm portugez Augusto Santos Silva dhe Komisioneri i BE-së për Fqinjësi dhe Zgjerim Oliver Varhei, ndërsa me të cilin do të debllokohej procesi qasës i Maqedonisë së Veriut, nuk e plotëson pozicionin kornizë të Bullgarisë.
Stoev pas takimin me Silvan dhe Varhejin: Nuk mund të pritet që Bullgaria të ndryshojë pozicionin për Maqedoninë e Veriut
Silva, Stoev, Varheji, Foto: Twitter
Nuk mund të pritet ndryshim në pozicionin nacional të Bullgarisë në raport me Maqedoninë e Veriut. Për ne mbetet kyçe që të mbahet raportet e mira fqinjësore dhe të merren garancat e nevojshme për zbatim të Marrëveshjes për fqinjësi të mirë. Këtë e ka theksuar shefi i diplomacisë së qeverisë së përkohshme teknike në Bullgari, Svetlan Stoev, në deklaratë pas takimit me ministrin e Punëve të Jashtme të Portugalisë, Augusto Santosh Silva dhe eurokomesarin për zgjerim, Oliver Varheji, të cilët sot në mëngjes arritën në Sofje, transmeton Portalb.mk.
Stoev, siç raportojnë mediat bullgare, ka thënë se ata mbeten me mbështetje të fuqishme për integrimin evropian të vendeve të Ballkanit Perëndimor me ndjekjen e arritjeve individuale të çdo vendi kandidat dhe me respektimin e vlerave themelore të BE-së, përfshirë edhe principin për fqinjësi të mirë.
“Jemi të hapur për dialog aktiv dhe të hapur me Republikën e Maqedonisë së Veriut dhe presim që fqinjët tanë të punojnë në frymën e sinqeritetit dhe konstruktivitetit”, deklaroi Stoev duke theksuar se, do të bëjnë përpjekje që të kthehet atmosfera pozitive dhe besimi në raportet me Maqedoninë e Veriut.
Ndërkohë, ish ministrja e Jashtme bullgare, Ekaterina Zaharieva, mbrëmë ka thënë se propozimi që do të sillet sot në Sofje nga ministri i Jashtëm portugez Augusto Santos Silva dhe Komisioneri i BE-së për Fqinjësi dhe Zgjerim Oliver Varhei, ndërsa me të cilin do të debllokohej procesi qasës i Maqedonisë së Veriut, nuk e plotëson pozicionin kornizë të Bullgarisë.
Silva dhe Varheji nga Sofja do të udhëtojnë për në Shkup, ku po ashtu do të kenë takime me kreun politik.
Zaharieva: Propozimi që do të sillet në Sofje nga Silva dhe Varheji është pa asnjë garanci për Bullgarinë
Ish-ministrja e Jashtme bullgare Ekaterina Zaharieva është shprehur se propozimi që do të sillet sot në Sofje nga ministri i Jashtëm portugez Augusto Santos Silva dhe Komisioneri i BE-së për Fqinjësi dhe Zgjerim Oliver Varhei, ndërsa me të cilin do të debllokohej procesi qasës i Maqedonisë së Veriut, nuk e plotëson pozicionin kornizë të Bullgarisë, transmeton Portalb.mk.
Ajo thotë se qëllimi i vizitës së sotme është i qartë – Presidenti Rumen Radev dhe qeveria teknike që ai caktoi të miratojë Kornizën negociuese për Maqedoninë e Veriut në mënyrë që të mund tl mbahet konferenca e parë ndërqeveritare dhe de fakto të fillojnë bisedimet për anëtarësim në BE. Sidoqoftë, sipas saj, propozimi i sjellë nga përfaqësuesit evropianë nuk ka garancitë e nevojshme.
“Përpjekja për propozim kompromisi është sekret publik në Bruksel dhe po qarkullon në korridoret e Komisionit Evropian dhe Këshillit. U njoha me të dhe do ta lejoj veten ta komentoj paraprakisht. Fatkeqësisht, propozimi përsëri nuk korrespondon me pozicionin kornizë të Bullgarisë, të pranuar nga Qeveria dhe të miratuar njëzëri në Parlament, pasi nuk përmban asnjë garanci se fqinjët tanë do të pranojnë vlerat Evropiane. A kemi garanci që fushata anti-bullgare në Shkup do të ndalet? A do të ndalet Republika e Maqedonisë së Veriut së përndjekuri qytetarët e saj me vetëdije bullgare? A do t’a parandalojë hyrjen e librave bullgarë në kufi? Garancë që nuk do t’i pengojë investitorët bullgarë? A do të ketë transmetim në televizionin bullgar? A do ta ndalojnë fushatën e zezë kundër Bullgarisë në të gjithë Evropën? Unë nuk i pashë këto garanci”, komentoi Zaharieva në Facebook.
