VMRO: Inflacioni është ulur në 2.5%, më parë ishte dyshifror

Shporta sindikale minimale është ulur për 1000 denarë, masat konkrete të Qeverisë japin rezultate thonë nga VMRO-DPMNE.

“Në shportën minimale sindikale, të cilën e llogarit Sindikata e Maqedonisë, është llogaritur se shpenzimet për ushqim dhe pije të një familjeje katër anëtarëshe janë ulur për 1000 denarë në tetor në krahasim me shtatorin e këtij viti.

Duke ndërmarrë masa realiste, qeveria ruan dhe rrit standardin e jetesës së qytetarëve.

Qytetarët fituan një partner te Qeveria.
Pensionet dhe pagat po rriten, klima e biznesit po përmirësohet.

Inflacioni tani është nga 2 deri në 2.5%, gjatë qeverisjes së LSD-së ishte dyshifror.

Maqedonia po ecën përpara, kurse ekonomia po transformohet për mirë”, thuhet në njoftimin e VMRO-DPMNE-së.