VLEN dorëzon kallëzim penal kundër Petar Bogojeskit

Koalicioni VLEN sot ka dorëzuar kallëzim penal ndaj Petar Bogojeskit, për siç thonë, nxitje të urrejtjes ndëretnike.

Avokati Abidin Abduli para dorëzimit të kallëzimit, kërkoi që Prokuroria të hetojë të gjitha njoftimet në rrjetet sociale në të cilat ka gjuhë të urrejtjes.

“Dorëzuam kallëzim penal ndaj personit Petar Bogojeskit, për gjuhën e tij të urrejtjes që e shpreh vazhdimisht në rrjetet social. Me këto veprime ai ka bërë shkelje të ligjit. Shpresojmë që në të ardhmen Prokuroria këto vepra do t’i procesojë vetë në bazë të detyrës zyrtare, pasi janë të dëmshme për bashkëjetesën në RMV”, tha Abduli.

Ai u pyet edhe për çështjen e vulave të partisë Aleanca për Shqiptarët, ndërsa tha se ende nuk kanë marrë vendim përfundimtar se kush është kryetar, Ziadin Sela apo Arben Taravari.