VLEN: BDI-ja e gatshme të shkaktojë krizë politike, vetëm që të mos e pranojë humbjen në zgjedhjet e ardhshme

BDI-ja nuk të drejtë të flas për presidentin e parë shqiptarë, sepse në vend që të mbështesë Arben Taravarin, vendosi që të sabotoj mundësinë që kjo të ndodhë tani menjëherë në vitin 2024, kështu deklaroi Orhan Murtezani nga Vlen, sipas të cilit BDI-ja është e gatshme të shkaktojë krizë politike vetëm e vetëm që të mos e pranojë humbjen në zgjedhjet e ardhshme.

“Kur Arben Travari njoftoi se do të bëhet kandidat për president i VLEN-it, Ali Ahmeti u frikësua se do të mposhtet dhe vendosi të sakrifikoj Bujar Osmanin me idenë e ndryshimeve kushtetuese për ndryshimin e zgjedhjes së presidentit dhe futjen e funksionit zëvendëskryetar si kusht i BDI-së për çfarëdo koalicioni me partitë maqedonase. Më pas në promovimin e Bujar Osmanit në sallën Kale, Ali Ahmeti promovoi sloganin “Erdhi koha për presidentin e parë shqiptarë”, asnjëherë më parë BDI-ja nuk është dukur më e hutuar dhe më e frikësuar. BDI-ja është e gatshme për të shkaktuar krizë politike vetëm e vetëm që të mos e pranoj humbjen e sigurte që vjen. BDI-ja nuk ka të drejtë të flas për presidentin e parë shqiptarë sepse në vend që të mbështes Arben Taravarin, vendosi që të sabotojë mundësinë që kjo të ndodhë tani menjëherë në vitin 2024”, deklaroi Orhan Murtezani, VLEN.