Kryetari i Komunës së Çairit, Visar Ganiu, ka bërë homazhe te varri i dëshmorit Imri Elezi, i cili 20 vite më parë ra dëshmor në betejën e Mateçit, shkruan gazeta LAJM.
“Me homazhe tek varri i dëshmorit të kombit Imri Elezi së bashku me bashkëluftëtarët dhe familjarët e tij, filluam aktivitetet e ndërmarra për shënimin e 20 vjetorit të rënies heroike të luftëtarit të lirisë për ardhmërinë e shëndoshë që po e jetojmë ne sot.
Qoftë i përjetshëm kujtimi për Imri Elezin dhe të gjithë dëshmorët e kombit! LAVDI! ”, ka shkruar Ganiu në Facebook.
