VIDEO/ Rama, darkë me Llukashenkon. Fsheh fotot dhe poston pamje të censuruara
Kryeministri Edi Rama ka kaluar mbrëmë një darkë me Presidentin putinist të Bjellorusisë, Llukashenko.
Rama ka qënë në një darkë me Presidentin e Emirateve të Bashkuara dhe me presidentin komunist bjellorus.
Ai ka postuar një natë më parë rreth kësaj darke por ka fshehur Llukashenkon në foto.
Ja çfarë ka shkuar në Facebook: Mbrëmë me Presidentin e Emirateve të Bashkuara, Sheikh Muhammed Bin Zayed, një mik i rrallë dhe dashamirës i madh i Shqipërisë, me të cilin folëm për ecurinë e mirë të disa projekteve të rëndësishme që po hyjnë në fazën e zbatimit, nga krijimi i kompanive të përbashkëta publike të prodhimit të energjisë (KESH-Masdar) dhe shtypshkrimit të letrave me vlerë, linja e interkonjeksionit me Italinë në partneritet tripalësh, e deri tek sistemi i ri digjital i kontrollit të trafikut; zhvillime tejet të rëndësishme për forcimin dhe modernizimin e sektorit publik në Shqipëri, po edhe një pasqyrë kuptimplotë e forcimit domethënës të marrëdhënieve me Emiratet e Bashkuara.
Por pamja e plotë është kjo foto më poshtë ku Llukashenko dhe Rama janë të vetmit mysafirë. /Droni.al/
