Spasovski: Nuk dorëzohemi, pensionin minimal e rrisim në 20 mijë denarë

Bartësi i listës në njësinë e dytë zgjedhore dhe ish-ministër i Punëve të Brendshme, Oliver Spasovski, u takua me pensionistët.

Ai në rrjetet sociale ka shkruar se LSDM vazhdon të përmirësojë standardin jetësor të pensionistëve.

“Në mandatin e ardhshëm parashikojmë pension minimal prej 20.000 denarë dhe pension mesatar prej 30.000 denarë. LSDM dhe koalicioni “Për një të ardhme evropiane” vazhdojnë të investojnë në rrugën e duhur, rrugën drejt Evropës ku vendi ynë do të vazhdojë të zhvillohet me vende të reja pune, paga më të larta, pensione më të larta dhe standard më të mirë jetese për të gjithë”, shkruajti Spasovski.