Sijanovska-Davkova shpallet zyrtarisht kandidate për presidente e VMRO-DPMNE-së

Me gjithsej 444 vota nga 454 delegatë të VMRO-DPMNE-së, deputetja dhe profesoresha Gordana Siljanovska-Davkova do të jetë kandidate për kryetare nga radhët e partisë më të madhe opozitare, pas votimit në konventën e sotme të kësaj partie.

“Mund të ndryshosh gjithçka, stil, shumë gjëra, por asnjëherë atdheun. Jo rastësisht kemi lindur në Maqedoni, energjia buron nga këtu dhe prandaj duhet të vendosim lidhje sa më të forta me ata që u larguan, jo sepse donin, por sepse dikush nuk i donte si më e mira. Vetëm kështu do të sigurojmë respekt kudo në botë. Na pret shumë punë dhe unë, pra, të gjithë ata që do të jenë mbajtës të ndonjë posti, sepse në shekullin e 21-të, u kërkoj atyre t’i japin fund këtyre përçarjeve të tmerrshme mbi çdo bazë, kryesisht në baza partiake dhe politike, të mos e trajtojë opozitën si ata që e trajtuan, pse pa opozitë nuk ka demokraci, të ndërtohet një konsensus për çështjet dhe interesat më të rëndësishme shtetërore dhe kombëtare, të dalim në harmoni, pse këtë e bëjnë vetëm liderët dhe shtetarët”. tha Siljanovska-Davkova pas votimit në konventën e sotme.

Ajo po ashtu bëri të ditur se do të mbledhë 10 mijë votat e nevojshme nga populli, të cilat deri më tani i kanë mbledhur pesë kandidatët për zgjedhjet presidenciale, raundi i parë i të cilave do të mbahet më 24 prill të këtij viti.

Zgjedhja e saj u përshëndet edhe nga lideri i partisë, Hristijan Mickoski, i cili tha se Siljanovska-Davkova “do të jetë fituese e zgjedhjeve presidenciale të kësaj pranvere”.