Shpërthim i fuqishëm në qendër të Stambollit, ka viktima (Video)

Kryetari i Stambollit, Ali Yerlikaya, ka dhënë deklaratë për shpërthimin që ka ndodhur në Taksim para disa minutave.

Ai ka thënë se ka të vdekur e të lënduar.

“Sot, rreth orës 16:20, ka ndodhur një shpërthim në rrugën Istiklal në Taksim. Policia, ambulancat dhe zjarrfikësit, janë në vendin e ngjarjes. Ka të vdekur dhe të lënduar”, ka shkruar kryetari i Stambollit, Ali Yerlikaya në Twitter.

Arsyet e shpërthimit mbeten të paqarta, në vendin e ngjarjes janë dërguar shumë zjarrfikës, policë dhe ekipe mjekësore.

Shpërthimi ka shkaktuar zhurmë të madhe, kurse ekipet e policisë kanë dalë në vendngjarje dhe kanë marrë masa sigurie në rrugë.