Shiten katër prona të Mijallkovit, shtetit i kthehen 332 276 euro

Janë shitur katër pronat e ish drejtorit të DSK-së, Sasho Mjallkov, të cilat janë konfiskuar me aktgjykim të formës së prerë. Kështu njoftoi drejtori i Agjencisë për Menaxhimin e Pronës së Konfiskuar, Driton Nebiu. Sipas tij, ankandi publik është zhvilluar pa pengesa dhe ka përfunduar me sukses. Sipas vlerësimeve të arritura nga ankandi, Nebiu thotë se do të shpërndahen fonde monetare në buxhetin shtetëror të cilat janë marrë nga qytetarët dhe të njëjtat, ai sqaronse do të rikthehen në një vlerë totale prej 332.276 euro.
“Tre apartamente në rrugën “Sllavjenko Arsov”, një me sipërfaqe 78 m2, dhe dy me sipërfaqe prej 72 m2. Një garazhë me sipërfaqe prej 30 m2 në qendër. Ankandi publik u zhvillua pa pengesa dhe përfundoi me sukses”, ka deklaruar Nebiu.