SHBA sanksionon një grup izraelitësh shkaku i sulmeve ndaj palestinezëve

Shtetet e Bashkuara kanë vendosur sanksione ndaj një grupi prej tre kolonëve ekstremistë izraelitë të Bregut Perëndimor, të cilët akuzohen për ngacmim dhe sulm ndaj palestinezëve në një përpjekje për t’i bërë presion që të largohen nga toka e tyre.

Departamenti Amerikan i Shtetit njoftoi se këtyre individëve u është bllokuar qasja në sistemin financiar të SHBA-së dhe do t’i ndalonin qytetarët amerikanë të merren me ta, raporton skynews.

Zëdhënësi i Departamentit të Shtetit, Matthew Miller, tha se “nuk ka asnjë justifikim për dhunën ekstremiste kundër civilëve ose për të detyruar familjet të largohen nga shtëpitë e tyre, pavarësisht nga origjina e tyre kombëtare, etnia, raca apo religjioni”.

Muajin e kaluar, presidenti amerikan Joe Biden lëshoi një urdhër ekzekutiv që synonte kolonët izraelitë në Bregun Perëndimor, të cilët janë akuzuar për sulme ndaj palestinezëve dhe aktivistëve izraelitë të paqes në territorin e pushtuar.

Deri më tani nëntë persona dhe pronat e tyre janë sanksionuar sipas urdhrit ekzekutiv, sipas bazës së të dhënave të Zyrës së Thesarit për Kontrollin e Pasurive të Huaja.

Ndryshe, Izraeli nisi një ofensivë kundër militantëve të Hamasit, të cilën kryen një sulm terrorist më 7 tetor në Tel Aviv.