Sela me thirrje të votohet lista e ASH-së dhe Fatmir Limani si kandidat

Kryetari i Aleancës për Shqiptarët, Ziadin Sela, në vazhdën e takimeve me qytetarët për zgjedhjet lokale, sonte është ndaluar në Komunën e Kërçovës. Sela kërkoi votën e kërçovarëve në listën e Këshilltarëve, por bëri thirrje që të votohet edhe kandidati i pavaruar Fatmir Limani. Thotë se ka nevojë për ndryshim.

“Ju duhet ta votoni Fatmirin dhe asnjë emër tjetër. Por nga ana tjetër votoni edhe ndryshimin. Patjetër që Limanin. Votoni listën për këshilltarë, votoni ndryshimin. Por edhe një porosi, shpresojmë që të mos dalë edhe ky nesër që të bëhet shef shtabi i ndonjë subjekti politik”, tha Sela mes tjerash.