Zjarrfikësit kinezë kanë arritur ta shpëtojnë një grua të moshuar, e cila kishte rrëshqitur dhe kishte përfunduar jashtë rrethojës së ballkonit – duke ngecur e varur në litarët ku i thante rrobat.
82-vjeçarja qëndroi e varur me kokë poshtë e këmbët lart, në ballkonin e katit të 19-të të apartamentit të saj në Yangzhou të provincës kineze Jiangsu, transmeton Telegrafi.
Këmba e saj ishte lidhur në litarët ku i thante rrobat, kështu ekipet e shpëtimit dhe zjarrfikësit u detyruan të zbresin një kat më poshtë për ta futur brenda.
Për fat të mirë gjithçka ka kaluar pa ndonjë problem, kurse tërë procesi i shpëtimit është filmuar nga banorët e lagjes ku e moshuara jeton.
