Rrahje në Klinikën e Kardiokirurgjisë në Shkup, punonjësi sulmoi drejtorin e Klinikës

Një i punësuar në Klinikën e Kardiokirurgjisë sot fillimisht verbalisht ka sulmuar një infermiere dhe më pas ka sulmuar fizikisht drejtorin e Klinikës, Marjan Shokarovski, pas çka vetë është dorëzuar në stacion të policisë, përcjell TV21. Rastin e konfirmojnë edhe nga MPB.

“Më 18.09.2023, rreth orës 10:00, në SPB-Shkup nga Klinika e Kardiokirurgjisë është raportuar se S.J. (punonjës në klinikë) ka sulmuar verbalisht një infermiere, e më pas ka sulmuar fizikisht M.Sh. (drejtor i klinikës), pas së cilës është larguar nga klinika dhe është paraqitur vetë në Stacionin Policor në Qendër”, thonë nga MPB.