Rezultatet e para të regjistrimit të popullsisë në Serbi: Janë më pak se 7 milionë

Sipas rezultateve të para të regjistrimit të vitit 2022, në Republikën e Serbisë jetojnë 6,690,887 banorë – që është 6,9 për qind më pak se në regjistrimin e vitit 2011. Në rajonin e Beogradit është rritur numri i banorëve, shkruan Rts, transmeton Klan Kosova.
Rezultatet e para të Regjistrimit të Popullsisë, Ekonomive Familjare dhe Banesave, të publikuara në faqen e internetit të Institutit Republikan të Statistikave, tregojnë se në Republikën e Serbisë jetojnë 6 milionë e 690 mijë e 887 persona.
Regjistrimi mblodhi të dhëna për 2 milion e 520 mijë e 854 familje dhe 3 milion e 628 mijë e 175 apartamente.
Krahasuar me Censusin e vitit 2011, numri i përgjithshëm i banorëve serbë është ulur me 495 mijë e 975, ose me 6.9 përqind. Rënie e numrit të banorëve është shënuar në të gjitha rajonet (rreth 10 përqind), me përjashtim të rajonit të Beogradit, ku numri i banorëve është rritur për rreth 1.6 përqind.
Sa i përket të dhënave për amvisëritë dhe banesat, nuk ka ndryshim të dukshëm në numrin e përgjithshëm të amvisërive (rritje prej 1.33 përqind), ndërsa numri i përgjithshëm i banesave është rritur për 12.26 përqind krahasuar me regjistrimin e vitit 2011.