Qeveria propozon Idri Istrefin në vend të Bujare Abazit te Posta e Maqedonisë

Qeveria e Maqedonisë së Veriut pas rekomandimit për shkarkimin e Bujare Abazit nga Posta e Maqedonisë, siç përcjell tvklan.mk, ka propozuar që në vend të saj të emërohet Idri Istrefi nga Struga.

“Qeveria ka vendosur t’i rekomandojë Këshillit Mbikëqyrës të Shoqërisë Aksionare shtetërore për qarkullim postar ‘Posta e Maqedonisë së Veriut’ – Shkup që të tërheqë Bujare Abazin, anëtare e Bordit Drejtues – e cila mban titullin drejtor gjeneral, dhe si anëtar i Bordit Drejtues të Shoqërisë Aksionare për komunikacion postar ‘Posta e Maqedonisë së Veriut’ në pronësi shtetërore – Shkup të zgjedhë Idri Istrefin”, thuhet në njoftimin e qeverisë./tvklan.mk