Protesta para Qeverisë: Zaev ta njeh gjenocidin serb dhe krimet ndaj shqiptarëve (Video)

Para ndërtesës së Qeverisë në Shkup disa aktivistë të sektorit civil kanë protestuar kundër gjenocidit serb në Kosovë, shkruan gazeta LAJM. Organizatori i protestave, Blerim Ahmedi, kërkoi nga Qeveria e Shkupit ta njeh dhe ta dënojë gjenocidin serb në Kosovë, si dhe të disatancohet nga, siç tha, krimet ndaj shqiptarëve gjatë regjimit ish jugosllav.

“Gjenocidi i pandëshkuar serb ndaj shqiptarëve dhe popujve tjerë, mbetet njolla e zezë e Evropës. Krimet serbe kundër popullatës civile shqiptare në Kosovë, janë krime krime kundër njerëzimit që nuk janë dënuar ende nga qeveritë e koalicionit në Maqedoninë Veriore. Ato mbajnë vulën e shovizimit serb me miratimin edhe të shumicës së popullit serb, të cilët e mbështetën dhe u solidarizuan me kryekriminelin e Ballkanit Sllobodan Millosheviçin dhe politikat e tij shfarrosëse. I bëjmë thirrje qeverisë së koalicionit të kryeministrit Zoran Zaev që ta njoh dhe dënojë gjenocidin serb ndaj shqiptarëve të Kosovës dhe të distancohet nga krimet e ish regjimit komunist jugosllav ndaj shqiptarëve të Maqedonisë që nga fillimi i regjimit e deri në shpërbërjen e tij në fillim të viteve të ’90-ta”, tha Blerim Ahmedi, organizator i protestës./Gazeta LAJM