Politikani serb kërkon që të hetohet marrëdhënia e Gjuriqit me Escobarin

Ish-kandidati për president të Serbisë, Nikola Sanduloviq, ka kërkuar nga autoritetet amerikane që të hetojnë marrëdhënien mes ambasadorit të Serbisë në SHBA, Marko Gjuriq dhe emisarit të SHBA-së për Ballkanin Perëndimor, Gabriel Escobar.

Ai ka postuar një foto të përbashkët të Gjuriqit me Escobarin në Twitter.

“A është kjo foto përgjigje ndaj shumë pyetje që senatori Menendez ka bërë?” – ka shkruar Sanduloviq në Twitter.

Sanduloviq ishte në homazhe në Prekaz më 17 shkurt, ku kërkoi falje për krimet që Serbia kreu ndaj shqiptarëve në Kosovë.