Ministria e Punëve të Brendshme njofton se sot pak pas mesdite është shpëtuar një 64-vjeçar nga ujërat e Lumit Vardar, gjegjësisht në rrjedhat e Lepencit, përcjell TV21. MPB ka konstatuar se i njëjti qëllimisht është hedhur në lumë.
“Më vonë u konstatua se bëhet fjalë për një 64-vjeçar nga Shkupi, i cili më parë ishte hedhur në lumë, ndërsa përndryshe është pacient në spitalin e Bardovcit. Ai është transferuar në Spitalin “8 Shtatori” nga Shërbimi i Urgjencës Mjekësore”, thuhet mes tjerash në njoftimin e MPB-së.
