Policia e Kosovës ka zhvilluar bastisje në disa lokacione në veri të vendit edhe të martën në mëngjes.
Zëvendësdrejtori i Policisë në veri, Veton Elshani, nuk ka specifikuar lokacionet, pos që ka thënë se po bëhen “në disa lokacione”.
Bastisjet lidhen me ngjarjet e 24 shtatorit në Banjskë të Zveçanit. Atë ditë, një grup i armatosur dhe uniformuar serb vrau policin Afrim Bunjaku. Në aksionin pasues nga Policia, u vranë tre sulmues. Shumica e grupit arriti të ikte ndërsa Policia në aksion kapi arsenal armësh.
Lexo më shumë Bërnabiqi njejtë si Daçiqi, nuk merr pjesë në fotografinë familjare të Samitit të Berlinit, shkak flamuri i Kosovës
Pas rastit, në disa raste janë zhvilluar bastisje në veri e që lidhen me këtë ngjarje. Në çdo aksion janë gjetur armë e mjete të tjera.
