Policë shqiptarë nga Kumanova braktisin punën, shkojnë në Gjermani!
13 korrik – Trendi i largimit të qytetarëve nga Maqedonia e Veriut për në Gjermani nuk po ndalet. Open-TV mëson se dy policë shqiptarë të punësuar në Sektorin për Punë të Brendshme në Kumanovë kanë braktisur vendet e tyre të punës për të shkuar në Gjermani.
Sipas informacioneve tona, të dy të punësuarit kanë nga afro 20 vite përvojë pune.
Gjithashtu mësojmë se trendi i largimeve do të vazhdojë, pasi edhe një tjetër polic ka aplikuar në ambasadën e Gjermanisë dhe është në pritje të vizës për të marrë rrugën drejtë këtij vendi europian.
Open-TV nga burimet e veta mëson se paralajmërime për largim drejtë Gjermanisë nuk ka vetëm në polici, por edhe në instutucionet tjera.
Deri tani shumë qytetarë nga Kumanova dhe qytetët tjera kanë braktisur Maqedoninë e Veriut për një jetë më të mirë në shtetet europiane. /Open-TV.
