Përveç raketës antitankt “Javelin”, Kosova ka në plan të blejë edhe disa sisteme të tjera ushtarake.
Këtë e bëri të ditur Liridona Gashi, këshilltare e ministrit të mbrojtjes Ejup Maqedonci, në një përgjigje për Klankosova.tv.
Megjithatë, ajo tha se nuk mund të japin më shumë informacione në këtë fazë.
“Sigurisht se është planifikuar blerja edhe e disa sistemeve të tjera, por në këtë fazë nuk mund të ndajmë informacione me ju”, u shpreh ajo.
ShBA-ja ka pranuar kërkesën e Kosovës për blerjen e sistemeve raketore anti-tank “Javelin”. Ministria e Mbrojtjes do të shpenzojë rreth 70 milionë euro për këto sisteme, që do të vihen në dispozicion për Ushtrinë e Kosovës.
Antitanku “Javelin”, për herë të parë u përdor në Irak në vitin 2003, ndërsa u bë e njohur në luftën mes Ukrainës dhe Rusisë, ku është përdorur gjerësisht në shkatërrimin e automjeteve të blinduara ruse.
