Mbi 500 persona që deri më tani nuk ishin të regjistruar në librin amë të të lindurve, deri në fund të vitit do të pajisen me certifikata. Ndryshimet ligjore që u miratuan në qershor mundësuan që kjo kategori e qytetarëve të kenë mundësi që pas pajisjes me certifikatë të lindjes të mjekohen, punësohen, të kurorëzohen dhe të rregullojnë statusin e fëmijëve të tyre.
“Drejtoria për udhëheqjen e librave amë, për momentin vepron në mbi 526 raste në të gjithë territorin e shtetit tonë nga të cilat 409 kanë vendime pozitive dhe të njëjtëve u janë dorëzuar certifikatat e lindjes. Për 117 raste të tjera po veprohet dhe të njëjtat do të zgjidhen deri në fund të vitit”, tha Emir Sulejmani, Drejtor i Librave amë.
