Pendarovski: Lufta në Ukrainë do të ndikojë në marrëdhëniet ndërkombëtare

“Lufta në Ukrainë është kërcënimi më i madh i paqes dhe sigurisë evropiane, rezultati i së cilës do të ndikojë në rendin, jo vetëm në kontinentin tonë, por edhe në marrëdhëniet ndërkombëtare vitet e ardhshme. Një luftë që do të tregojë nëse vitet e zhvillimit demokratik në Evropë, pas përfundimit të Luftës së Ftohtë, janë harxhuar për realizimin e një ideje abstrakte apo, nga ana tjetër, demokracia është ende e qëndrueshme dhe mjaft e fortë për të treguar rezistencë ndaj regjimeve retrograde dhe autoritare dhe sfidat që ato i krijojnë”, theksoi sot presidenti Stevo Pendarovski në konferencën “Ukraina – dy vjet heroizëm” të organizuar nga Ambasada e Ukrainës në Shkup.

Pendarovski theksoi se kjo luftë do të tregojë nëse përdorimi i forcës do të bëhet parimi bazë që duhet të përcaktojë natyrën e marrëdhënieve ndërmjet shteteve në këtë shekull, apo çfarë është shkruar në Kartën e Kombeve të Bashkuara se shtetet anëtare janë të barabarta me njëra-tjetrën mbetet në fuqi, pavarësisht nëse janë të vogla apo të mëdha.

Për shkak të kësaj, theksoi Pendarovski, aksioni i gjithë botës demokratike është i madh dhe pasojat e luftës mbrojtëse që po zhvillon sot Ukraina i tejkalojnë kufijtë e saj.

Për këto dy vite, siç tha ai, kemi qenë dëshmitarë të gjithë çnjerëzimit të një regjimi të shkëputur nga realiteti, i cili duket se ka dalë nga kohërat më të errëta të historisë evropiane të shekullit të kaluar, në mosbarazi të plotë me realitetin e shekullit 21.