Pas katër orë ndalimi nga BIA serbe, lirohet avokati Stojkoviq që u përkul në Prekaz

Pas katër orë ndalimi nga Agjencia e Inteligjencës së Sigurisë së Serbisë (BIA) është liruar avokati Çedomir Stojkoviq.

Stojkoviq në një postim në X shkruan se lirimi i tij nuk është si rezultat i vullnetit të autoriteteve serbe, por se e dinin se nëse do të arrestohej presioni nga ndërkombëtarët do të ishte i madh.

“Pasi u ndalova për katër orë nga anëtarët e Agjencisë së Sigurisë Informative të Serbisë, më liruan për lëvizje të lirë. Tani Aleksandar Vuçiq duhet të shpjegojë pse jam liruar unë, ndërsa për të njëjtën çështje u ndalua Nikolla Sanduloviq.

Lirimi im nuk është rezultat i vullnetit të autoriteteve. Unë u lirova sepse autoritetet ishin në dijeni se nëse do të më arrestonin edhe mua, presioni nga ndërkombëtarët do të ishte shumë i madh”, shkruan ai.

Avokati Stojkoviq shkruan se në shtetin e Aleksandër Vuçiqit ligjet zbatohen në mënyrë arbitrare.

“Unë bëra një gjë edhe më ‘keq’ se Nikolla – mbajta një fjalim edhe te varri ku ai vendosi lule”, shkruan ndër të tjera ai.

Megjithatë, Stojkoviq nuk përjashton mundësinë që mund të arrestohet pasi arrin në Beograd