Osmani: Gjesti i hoxhës ishte një shprehje respekti ndaj duarve të një kirurgu që ka shpëtuar jetë

Në rrjetet sociale dje kishte reagime të shumta pasi gjatë takimit me qytetarët, një hoxhë ia puthi dorën kandidatit për president nga radhët e Frontit Europian, Bujar Osmani.

Osmani ka reaguar për këtë gjest, tha se hoxha gjestin e bëri në shenjë falenderimi ndaj tij si kirurg.

“Dje, gjatë tubimeve të fushatës, një foto ku një zotëri i moshuar më puthi dorën u përhap gjerësisht në internet. Dua të sqaroj se ky zotëri është një hoxhë i respektuar 84-vjeçar, Isnija Topalovski, , hafëzi më vjetër në Dollneni që ka shërbyer në xhaminë lokale të fshatit Debresh të Dollnenit për 65 vjet. Së fundmi, ai ka pasur një intervenim mjeksor, dhe gjesti i tij ishte një shprehje respekti ndaj duarve të një kirurgu që ka shpëtuar jetë, jo ndaj një politikani. Shpresoj që të gjithë ata që janë nxituar të gjykojnë pa pasur informacion të plotë, do të kërkojnë falje ndaj zotërisë dhe ndjej keqardhje që kjo fotografi është keqinterpretuar dhe shkaktuar bezdisje për të. Le të vlerësojmë dhe respektojmë kontributin dhe qëndrueshmërinë e njerëzve si ai në shoqërinë tonë.