Osmani: Autoritetet e Kosovës të bashkëpunojnë me bashkësinë ndërkombëtare

Ministri i Punëve të Jashtme të Maqedonisë, Bujar Osmani, duke komentuar zhvillimet e fundit në Kosovë, ka bërë thirrje që autoritetet e Kosovës të bashkëpunojnë me bashkësinë ndërkombëtare.

“Nga kjo pozitë ftoj autoritetet e Kosovës që të jenë në bashkëpunim të ngushtë me miqtë tanë euroatlantik, pasi kjo është e ardhmja e vetme e rajonit”, theksoi Osmani.

Ai foli edhe për draft projektin e kryeministrit të Shqipërisë, Edi Rama për Asociacionin e komunave me shumicë serbe në Kosovë.

“Draftin e kam parë dhe e përshëndes z. Rama për këtë iniciativë dhe ideja e z. Rama është për të krijuar ide të reja për të dalur nga situata. Z. Rama nuk imponon zgjidhje por tenton të gjejë shteg për të dalur nga situata. Autoritetet e Kosovës do të vendosin se cila do të jetë më e mirë për ta”, deklaroi Osmani.