Nga dita e parë e Qeverisë do të shkarkohen drejtorët ekonomik të Klinikave, paralajmëron Taravari

Kryetari i Aleancës për Shqiptarët, Arben Taravari i cili pritet të emërohet për ministër në Ministrinë e Shëndetësisë tha që nga dita e parë do t’i shkarkoj drejtorët ekonomik në spitale.

“Do të konsultohem me juristët në Ministrinë e Shëndetësisë dhe nëse kam mundësi, që nga dita e parë do t’i shkarkoj drejtorët ekonomikë”, tha Taravari.

Ai sqaroi këta drejtorë nuk do të shkarkohen për shkak të emërimit të të tjerëve, por ky funksion nuk do të ekzistojë për shkak të shpenzimeve dhe racionalizimit.

“Këto funksione nuk do të ekzistojnë. Të kesh 30 apo 32 drejtorë profesionistë, t’i shtosh edhe 32 drejtorë ekonomik dhe t’i shtosh Këshilla Drejtues nga 5 në 30 klinika janë rreth 160-170 persona. Mendoj se duhet të racionalizojmë këtu”, tha Taravari.