Ndryshimet kushtetuese as që diskutohen! Çfarë resorësh do të kërkojë VLEN-i nga VMRO-ja

Kushti bazë në negociata janë ndryshimet kushtetuese. Kjo nuk diskutohet pavarësisht nëse me VMRO-në negocion Fronti Europian apo koalicioni VLEN. Kështu u shprehën dy të ftuarit në Daily Click, Arben Ziberi nga Fronti Europian dhe Fari Hiseni nga koalicioni VLEN. Por përpos ndryshimeve kushtetuese, gjatë negociatave të trupave punuese, do të diskutohet edhe ndarja e resoreve. Nga VLEN thonë se nuk janë të interesuar për pozita por për institucione.

“Në vazhdimësi ne e kemi theksuar se ne nuk jemi të interesuar për pozita si emër por jemi të interesuar për institucione. Neve nuk na duhet ministri por na duhet ministria. Nuk na duhet kryeparlamentari por na duhet Kuvendi. Nuk na duhet kryeministri por na duhet Qeveria”, tha Fari Hiseni – VLEN.

E për këtë qëllim, nga sot do të nisin negociatat mes grupeve punuese, dhe do të definohet se kush cilat ministri do t’i udhëheqë.

“Sot nisin trupat punuese mes dy kampeve, VMRO nga kampi maqedonas dhe VLEN si opsion i vetëm kombëtar. Në kuadër të trupit koordinues do të definohen numrat se cilat ministri do të udhëhiqen nga VLEN, se cilat poste kyçe do të….
A keni preferenca ju se cilat ministri do t’i donit?
Nuk është preferencë por çfarë është në favor të qytetarit”, pohoi Fari Hiseni – VLEN.

Por çfarë do të mund të merrte Fronti Europian më tepër se sa nga ajo që kërkon VLEN? Arben Ziberi është i bindur se BDI përsëri do të arrinte të marrë po aq ministri sa udhëheqë tani në qeverinë aktuale.