Ndërroi jetë valltarja e njohur shqiptare, Liljana Cingu

Valltarja e njohur shqiptare, Liljana Cingu, bëhet e ditur se ka ndërruar jetë.

Artistja nga Tirana ka vdekur në moshën 70 vjeçare.

Lajmin për vdekjen e ka bërë të ditur edhe kryeministri i Shqipërisë, Edi Rama, përmes një njoftimi në Facebook.

“Lamtumirë. Ikja e Lili Cingut lë zbrazur fronin e mbretëreshës së valles shqiptare”, ka shkruar ai.

“U prehtë në paqe”, vijon postimi i Ramës.

Gjatë kohës së saj artistike, Lili ishte nderuar me disa tituj për karrierën si: “Nderi i Kombit” dhe “Mjeshtër i madh”.

Lili Cingu
Ajo shquhej për elegancën që ka përcjell vazhdimisht në skenë dhe për stilin e saj unik.

‘Mbretëresha e Valles Shqiptare’ do të vazhdojë të jetojë në zemrat dhe mendjet e secilit përmes artit të saj.