Ndërroi jetë një i burgosur në Idrizovë

Një i burgosur në burgun e Idrizovës ka ndërruar jetë në Spitalin e specializuar për mjekësi geriatrike dhe paliative – Shkup.

Bëhet fjalë për një 55-vjeçar me iniciale M.G. i cili ka vuajtur dënimin me burgim prej 15 vjetësh në burgun e Idrizovës.

Siç njoftojnë nga policia, për shkak të rëndimit të shëndetit të tij, ai është transferuar nga burgu në spital në orën 12:00, ku ka ndërruar jetë në orën 13:35.

Me urdhër të prokurorit publik, trupi i pajetë i të ndjerit është dorëzuar për autopsi.