Ndërroi jetë ish futbollisti kosovar
Pandemia na e ka rënduar përditshmërinë edhe fizikisht, edhe psiqikisht. Por, kur kësaj i shtohet edhe ndonjë lajm i hidhur që marrim gjatë ditës, bëhet edhe më e vështirë.
I pabesueshëm dhe vështirë i pranueshëm lajmi që Fatmir Gashi, fqinji dhe bashkëvendasi ynë i nderuar, paska ndërruar jetë!
Ai djali bukurosh, i veshur me shije, që e lakmonim si të vegjël kur e shihnim rrugëve të lagjës; 8-shja e KF.Feronikelit që luante futboll me aq elegancë e sharm; shahisti inteligjent; ai fqinji i kujdesshëm e i respektuar, që edhe kur përshëndeste rrezatonte pozitivitet e kulturë; nëpunësi i zellshëm e i përkushtuar që bënte të pamundurën ta shërbejë qytetarin;…… më nuk qenka në mesin tonë!
Edhe pse është ditë e kthjellët, me diell dhe e pastër sikurse shpirti i Fatmirit, duket sikur na u errësua qielli me këtë lajm trishtues. Një fqinj tonin, njeri aq të dashur, të mirë dhe të respektuar nga të gjithë, nuk do ta shohim më rrugëve, shesheve e lokaleve të qytetit tonë! Dhimbje e pamasë, meqë sot jemi zemërthyer nga kumti i zi!
Me mendje e me zemër jemi me familjen Gashi , bashkëshorten Fikrie Curri Gashii , fëmijët , vëllezërit Gzim Agim e motrat e Fatmirit, të gjithë të afërmit dhe ata që e njohën dhe e deshën shumë, të cilëve iu shprehim ngushëllimet më të sinqerta! Paqit forcën të përballoni këtë humbje të madhe!
Kujtimet për Fatmirin nuk do të zbehen kurrë! Pushoftë në parajsë!
Ngushëllime shokëve, miqve, bashkëlojtarëve të të ndjerit, si dhe gjithë qytetit e sportistëve të Drenasit në emër edhe të fqinjve-shokëve:
Habib Mulaj Burim Isak Krasniqi Mentor Dobruna Kujtim Dobruna Florin Leku Remzi Krasniqi Besnik Kelmemdi Lulzim Haxhiu Afrim Hysenaj Afrim J. Tahiri Sami A Radi Sami Qorri Ardian Zogu Nazmi Hajdari Mergim Rrukiqi Avdullah Tahiri Avdi Krasniqi Haki Istogu Arsim Sahiti Fana Bajram Halil Haxhija Bahri Ibrahim Rukolli Mehdi Bucolli Qorri Ferat dhe shume te tjere !
