Mexhiti thotë se VLEN nuk del nga Qeveria: “Nuk bëhemi bashkë me Sllavjankën”! (Video)

Ligji për gjuhët nuk ka mundësi të shfuqizohet garanton zv.kryeministri i parë Izet Mexhiti. Në Click Plus, thotë se ligji për gjuhët duhet të avansohet sepse edhe ashtu nuk është i plotë, duke aluduar për termin 20% për gjuhën shqipe. Përmendë tre nene të ligjit, të cilat kanë të bëjnë me uniformat e policisë dhe armatës, bankënotat dhe procedurat e seancave gjyqësore.

Sa i përket ligjit për branitellave, thotë se e njëjta do të mbetet e bllokuar dhe deputetët e VLEN nuk do ta votojnë. I pyetur se nëse kalon ligji a do të japin dorëheqje, thotë se ata nuk bëhen bashkë me propozuesen e ligjit, Sllavjanka Petrovskën.

Për ligjin për branitellat, Mexhiti habitet me LSDM-në për atë se si nga parti demokratike përnjëherë kaloi në parti nacionaliste. Propozuesja e këtij ligji Sllavjanka Petrovska, para disa ditësh mbylli dyert për përfshirje të mundshme të ish ushtarëve të UÇK-së, por bashkëpartiaku i saj Fatmir Bytyqi, la derë të hapur për të diskutuar.