orë
Kryeministri dhe kryetari i LSDM-së, Zoran Zaev tha se tashmë ka zhvilluar takime me liderët e partive politike shqiptare në Qeveri dhe se sot do të takohet edhe me kryetarin e BDI-së, Ali Ahmeti për të diskutuar rreth zgjedhjeve të ardhshme lokale.
“Në procedurën tonë kemi pesë kandidatë për Tetovën dhe tre prej tyre janë shqiptarë që janë nominuar nga partia. Por megjithatë në fund anketat do të vendosin se cili nga kandidatët do të garoj LSDM për kreun e Komunës. Unë do të isha i lumtur sikur të kishte ndonjë kandidat shqiptar favorit për Tetovën”, u shpreh Zaev.
Ndryshe, kandidaturën për kryetar komune në Tetovë tashmë e ka zyrtarizuar Lëvizja Besa me Bilall Kasamin dhe PDSH-ja me Sadi Bexhetin.
