Lëvizja Demokratike do të quhet partia e Izet Mexhitit

Partia e re politike të cilën para disa ditëve e paralajmëroi deputeti Izet Mexhiti do të quhet Lëvizja Demokratike.

“Emri është bërë i ditur sot pas përfundimit të afatit për dhënien e ideve nga qytetarët përmes platformës online www.lëvizja.mk”, njoftojnë nga kjo lëvizje.

Kujtojmë se kjo parti do të promovohet më 13 gusht, që përkon edhe me datën e Marrëveshjes së Ohrit.

Ndryshe, Lëvizja Demokratike vjen si shkak i mospajtimeve mes anëtarëve të BDI-së për mënyrën se si duhet të drejtohet partia dhe Qeveria.