LEN: Talat Xhaferi përgatit skenar për falsifikim të zgjedhjeve! Opozita shqiptare braktis takimin e liderëve
LEN ka lëshuar takimin e liderëve të mbajtur sot ku kanë akuzuar Talat Xhaferin se po përgatit skenar për falsifikimin e zgjedhjeve.
”Liderët e Lidhjes Europiane për Ndryshim kanë braktisur takimin e liderëve, informoi Izet Mexhiti, kryetar i Lëvizjes Demokratike. Ai tha se ata takimin e kanë braktisur pas largimit të kryeparlamentarit Talat Xhaferi, në momentin kur është diskutuar për anëtarin në KSHZ.
“Edhe në dolëm për shkak se nuk kishim me këndë ti ballafaqojmë argumentet”, tha Mexhiti.
Ai tha se ata kërkojnë që të ketë zgjedhje të parakohshme parlamentare ngase kjo qeveri ka dështuar në premtimin kryesor për integrimin vendit.
“Kështu propozimi ynë për datë zgjedhjet të jenë 14 dhe 28 prill, pra më 28 prill jetë rrethi i dytë i zgjedhjeve parlamentare dhe presidenciale që të mos vijmë në momente që dikush mos t’i pranoj rezultatet”, tha Mexhiti.
Sa i përket qeverisë teknike, ai tha se duhet të ketë, por që ministrat duhet t’i takojnë opozitës shqiptare me qëllim që të krijohen kushte për zgjedhje fer dhe demokratike.
Sa i përket anëtarit të KSHZ-së, Mexhiti, tha se këtë kryeparlamentari Xhaferi po e zgjatë tërë kohën, pra një vit, dhe ka intencë që të mos zgjedhet anëtarë dhe të mos jetë i kompletuar KSHZ-ja” – thuhet në kumtesën e LEN-it.
