Kush do të futet në “Listën e Zezë”, ja si përgjigjet ambasadori i BE-së

Ambasadori i BE-së në Maqedoninë e Veriut, David Geer sot deklaroi se nuk ka asnjë informacion në lidhje me të ashtuquajturën “listë e zezë” e SHBA-së, përcjell TV21. Sipas Geer, korrupsioni në vend duhet të luftohet përmes sistemit, “jodomosdoshmërish duke shënjestruar individë”.

“Jo, nuk kam asnjë informatë të posaçme të brendshme për individë apo se kush mund apo nuk mund të shënjestrohet nga sanksionet”, tha Geer në komentimin e deklaratës së ambasadores së SHBA-së Angela P. Aggeler, e cila dje paralajmëroi se muajt në vijim do të zbulohet një apo dy emra të personave të sanksionuar nga SHBA./tv21.tv