“Kur ke zemër, ke edhe krahë”, Meta zgjeron takimet me aktivistët e partisë!

Partia e Lirisë po zgjeron simpatitë në mesin e votuesve shqiptarë, njëjtë sikurse gjitha forcat e vërteta opozitare.

Në 20 vjetorin e themelimit të LSI-së, që i parapriu Prtisë së Lirisë, presidenti i kësaj partie , tha se LSI 20 vite më parë hapi një faqe të re në jetën politike të vendit, që ndihmoi aq shumë për zhbllokimin e proceseve të integrimit evropian dhe garantoi dy rotacione demokratike në vend, si dhe imponoi shumë reforma që i shërbyen vendit për integrimin evropian.

Meta shprehu mirënjohje të përjetshme për të gjithë ata që nuk jetojnë më dhe që dhanë kontributet e tyre më të çmuara në këtë themelim, duke veçuar edhe ata që siç u shpreh ai “u detyruan të largohen nga vendi, por që mendjen dhe zemrën e kanë këtu”.

Presidenti i PL gjithashtu shprehu një keqardhje për të gjithë ata që e nisën si idealistë dhe përfunduan si patronazhistë dhe patronazhiste.

“Dhjetëra “bihen”, mijëra ngrihen! Unë personalisht jam 20 herë më i ri se 20 vite më parë dhe 20 herë më i fortë se 20 vite më parë”, theksoi Meta.

“Shqipëria me 5 prioritetet tona do të bëhet me 4 milionë shqiptarë plus shumë shpejt dhe për këtë duhet të kontribuojmë të gjithë”, përfundoi mesazhin e tij Presidenti i Partisë së Lirisë, Ilir Meta.
Ai sot është takuar me aktivistin e partisë, Dashi Cara.

“Kur ke zemër, ke edhe krahë”, ka shkruar Cara duke postuar një fytyrë të përbashkët me Metën.