Kolla e keqe, 46 raste të reja për një javë

Instituti i Shëndetit Publik njofton se nga data 12 deri më 18 prill në vend janë regjistruar 46 raste të reja me kollën e keqe, me rritje prej 4,5 për qind krahasuar me javën e kaluar.

Shumica e rasteve janë regjistruar si pjesë e epidemisë në Shkup – 37, ndërsa në Manastir – tre, Kumanovë – dy dhe nga një në Tetovë, Kriva Pallankë, Prilep dhe Strumicë. Mosha e pacientëve varion nga një muaj deri në 73 vjeç, ndërsa numri më i madh i rasteve janë nga grupmosha 10 deri në 14 vjeç.

Sa i përket statusit të vaksinimit të të sëmurëve, 31 persona janë të pa vaksinuar, të pavaksinuar ose me status të panjohur vaksinimi, 13 janë të vaksinuar plotësisht dhe dy janë të vaksinuar sipas moshës. Nga 46 rastet e reja, nëntë raste janë shtruar në spital. Deri më 18 prill, në vend janë regjistruar gjithsej 489 raste me kolln e keqe.