Kjo është renditja e kandidatëve për president në fletëvotim (VIDEO)

Komisioni Shtetëror i Zgjedhjeve (KSHZ) sot mbajti seancë në të cilën hodhi shortin për renditjen e kandidatëve për president në fletën e votimit për zgjedhjet presidenciale, përcjell INA.

Kandidati i LSDM-së, Stevo Pendarovski është radhitur numër 1.

Kandidatja e VMRO-DPMNE-së, Gordana Siljanovska-Davkova është numër 2.

Kandidati i GROM, Stevçe Jakimovski është numër 3.

Kandidati i BDI-së, Bujar Osmani është numër 4.

Kandidatja e Të Majtës, Biljana Vankovska-Cvetkovska është numër 5.

Kandidati i koalicionit VLEN, Arben Taravari është numër 6.

Kandidati i ZNAM, Maksim Dimitrievski numër 7.

Zgjedhjet presidenciale do të mbahen më 24 prill të këtij viti, ndërsa raundi i dytë do të mbahet më 8 maj së bashku me zgjedhjet parlamentare. Fushata zgjedhore për zgjedhjet presidenciale do të fillojë më 4 prill në mesnatë dhe do të përfundojë më 22 prill në mesnatë.(INA)